Leitung: Jürgen Lenzner
 Kosten: 8  Treffen 40,00 Euro, Förderverein-Mitglieder 36,00 Euro

För uns is Plattdüütsch jüst keen Geheemspraak nich. De Kinner in de School, se lehrt Platt, dat uns de schöne olle Spraak erhollen blifft. Wi Ollen hebbt in in unsen Kring de Mööglichkeit to’n Spreken un Hören, un wi singt un speelt vergnögt tosam. Wi snaackt öwer Himp un Hamp un över Hün un Perdühn, nich över Pulletik un Krankheeten. Blangenbi lehrt wi ümmer noch wat dorto. Ok wer man lütt beten Platt kann, is vun Harten inladt un ward integreert.